Superliganing 13-turidan o‘rin olgan "Neftchi" va "Navbahor" jamoalari o‘rtasidagi o‘yinda muxlislar tashrif bo‘yicha joriy mavsum rekordi yangilandi.
Farg‘onadagi "Istiqlol" stadioniga kecha 19.191 nafar ishqiboz tashrif buyurdi. Bu esa 2023 yilgi mavsumdagi eng yaxshi natija hisoblanadi.
Ushbu rekordning o‘rnatilishida mezbon jamoa ishqibozlaridan tashqari namanganlik muxlislarning ham hissalari bor. Kechagi o‘yinga “Navbahor” klubi rahbariyati tomonidan bepul avtobuslar ajratildi.
