23 yanvar kuni Kaliforniyada UFC 270 musobaqasi o‘tkazildi. Ushbu turnirda jangchilar qancha gonorar olgani ma’lum bo‘ldi.
Kechaning asosiy jangi og‘ir vazn toifasida bo‘lib o‘tdi. Amaldagi chempion Frensis Ngannu Siril Geynni mag‘lub etib, 600 ming dollarga ega chiqdi. Geynga esa 500 ming dollar berildi.
Avvalroq, Ngannu gonorarining yarimini kriptovalyutada olishi haqida xabar bergan edik.
Yana bir chempion Brendan Moreno Deyvison Figeredoga yutqazib qo‘ydi va 200 ming dollarga ega chiqdi.