Hozirgina Habib Nurmagomedovga tegishli bo‘lgan EFC promoushenida og‘ir vazn toifasidagi hamyurtimiz Amin Ergashev navbatdagi jangini o‘tkazdi.
"EFC 40" turnirida unga rossiyalik Alan Makitov raqiblik qildi. Quvonarlisi, yurtdoshimiz 1-raundning o‘zida raqibini nokautga uchratib, g‘alabaga erishdi. Endi u keyingi jangida promoushenning chempionligi uchun oktagonga ko‘tariladi.
Ma’lumot uchun, Ergashev bugungisini qo‘shib hisoblaganda 12-g‘alabasiga erishdi. Shuningdek, faoliyatida 4 ta mag‘lubiyat ham o‘rin olgan.
