SportUz.Net
photo photo
iks
ads

Korme Maxachevning Maddalenaga qarshi jangdagi maqomidan norozi

31.08.2025 12:21    


Rasmni yuklab olish

Islam Maxachev Jek Della Maddalenaga qarshi jangda uch karra favorit sifatida qaralyapti va bu holat rossiyalikning jamoadoshi Daniel Kormeni hayratga solmoqda.

"Agar siz Islamning so'nggi video va suratlarini ko'rgan bo'lsangiz, u gavda jihatidan yiriklashdi. U Jek Della Maddalena ismli monstrdan o'tmoqchi bo'lsa, yanada kattaroq bo'lishi kerak. Ularning har ikkisi ham oldinda qanday chaqiriq kutayotganini tushunib turishibdi. Jek gavdasining tuzilishi jihatidan yirik, jismonan baquvvat, yuqori darajadagi teykdaunlardan himoyaga ham ega.

Dunyo MMA ahli hamda bukmekerlar bu jang haqida qanday fikrda ekanliklarini bilishga juda qiziqaman. Eh-he! Uchtadan bittasi Islam foydasiga deyapti. Bu men kutganimdan ham ko'proq. O'ylaymanki, ko'pchilik Jekka tikadi. Sababi, Islam jussasi kichikroq, u uchun yangi og'ir vazn. Engil vazndan ko'tarilib, o'z divizionining qiroli bilan to'qnash kelyapti", - dedi ikki karra sobiq UFC chempioni Korme.

Malumot uchun, yarimo'rta vazn chempioni Jek Della Maddalena hamda sobiq engil vazn chempioni Islam Maxachev o'rtasidagi jang 15 noyabr kuni Nyu-York shahridagi "Medison Skver Garden" arenada tashkil etiladigan UFC 322 turniri doirasida o'tkaziladi.



Futbol yangiliklari || Futbol habarlari || Футбол янгиликлари || Футбол хабарлари
Do`stlarga yuboring: