"Cocky Buffalo" promouterlik kompaniyasi tomonidan o'tkazilgan ushbu prof boks oqshomida ikki charm qo'lqop ustamiz Olimjon Nazarov va Abdurasul Ismoilov ham ringga ko'tarildi. Engil vazn toifasidagi Abdurasul Ismoilov (11-2-1)ga filippinlik 26 yoshli Al Toyogon (14-9-3) raqiblik qildi. Sakkiz raundlik jang to'liq davom etdi va unda hakamlarning qarori bilan durang natija qayd etildi.
O'ta engil vazn toifasida WBO Oriental kamari sohibi Olimjon Nazarov (31-5-0) esa tailandlik Saravut Jiamtong (11-5-0) bilan to'qnash keldi. O'n ikki raundga mo'ljallangan jang o'ta engil vazn toifasida vakant bo'lib turgan WBO International kamari uchun kechdi. Jangning uchinchi raundida Nazarov raqibini nokautga uchratib, o'z kamarlari sonini 2 taga etkazib oldi.
Jangiga O'zbekistonda tayyorlangan Sergey Kovalyov Fyuri-Usik kardida ringga chiqdi