Xabar berib o'tganimizdek, -64 kg vaznli bokschimiz Mohinabonu Abdullaeva barcha raqibalarini mag'lub etgan holda finalgacha etib keldi. Hal qiluvchi jangda u rossiyalik Azaliya Aminevaga qarshi to'qnash keldi va 0:5 hisobida imkoniyatni boy berdi. Bu orqali, Mohinabonu jahon chempionatining kumush medaliga sazovor bo'ldi.
Avvalroq boshqa bir bokschi qizimiz Nigina O'ktamova (-54 kg) jahon chempionatining oltin medali sohibasiga aylangandi.
SHu tariqa, bokschi qizlarimiz yoshlar o'rtasidagi jahon chempionatini 1 ta oltin, 1 ta kumush va 4 ta bronza medali bilan tugatadigan bo'lishdi.
Ertaga o'g'il bolalar o'rtasida final janglari tashkil etiladi.