FIFA 27 fevral, dushanba kuni mavsumning eng yaxshilariga The Best sovrinini topshiradi. Sovrindorlar 2021/22 yilning mavsumning boshlanishidan JCH—2022 ning tugashigacha bo‘lgan davrdagi natijalar bo‘yicha aniqlanadi.
Marosimda erkaklar va ayollar o‘rtasida eng yaxshi futbolchi, murabbiy, darvozabon va yil ramziy terma jamoasi aniqlanadi. Shuningdek, eng yaxshi muxlis, fer-pley sovrini va yilning eng chiroyli goli muallifiga topshiriladigan “Pushkash sovrini” o‘z egalarini topadi.
Intrigalar. Agar Messi ushbu sovringa ega chiqadigan bo‘lsa bu borada Ronaldu va Levandovskiga yetib oladi. Kurtua ikki marta ushbu sovringa ega chiqqa ilk darvozabon bo‘lishi mumkin. Murabbiylar orasida yangi sovrindor aniqlanadi. Ha, Gvardiola hali bu sovringa ega chiqmagan.
Yilning eng yaxshi o‘yinchisi nomiga da’vogarlar
Karim Benzema (“Real”, Fransiya)
Lionel Messi (“PSJ”, Argentina)
Kilian Mbappe (“PSJ”, Fransiya)
Yilning eng yaxshi darvozaboni nomiga da’vogarlar
Emiliano Martines (“Aston Villa”, Argentina)
Tibo Kurtua (“Real”, Belgiya)
Yassin Bunu (“Sevilya”, Marokash)
Yilning eng yaxshi murabbiyi nomiga da’vogarlar
Xosep Gvardiola (“Manchester Siti”)
Lionel Skaloni (Argentina)
Karlo Anchelotti (“Real”)
“Pushkash sovrini”ga da’vogarlar
Martsin Oleksi (“Varta Poznan”; “Stal”ga qarshi o‘yinda urilgan gol)
Dimitri Payet (“Marsel”; Konferensiyalar Ligasida “PAOK”ga urilgan gol)
Risharlison (Braziliya; JCH—2022 da Serbiyaga qarshi o‘yinda urilgan gol)
Bu yilgi The Best marosimini Parij shahrida o‘tkaziladi. Marosim O‘zbekiston vaqti bilan 27 fevraldan 28 fevralga o‘tar kechasi soat 01:00 da start oladi.
The Best tarixi haqida
Ushbu sovrin FIFA tomonidan 2016 yilda asos solingan. Ilk marosim 2017 yilning 9 yanvarida o‘tkazilgan. Quyida barcha asosiy sovrindorlar bilan tanishing:
| Yil | Futbolchi | Darvozabon | Murabbiy |
| 2016 | Krishtianu Ronaldu | Aniqlanmagan | Klaudio Raneri |
| 2017 | Krishtianu Ronaldu | Janluiji Buffon | Zinedin Zidan |
| 2018 | Luka Modrich | Tibo Kurtua | Didye Desham |
| 2019 | Lionel Messi | Alisson Bekker | Yurgen Klopp |
| 2020 | Robert Levandovski | Manuel Noyer | Yurgen Klopp |
| 2021 | Robert Levandovski | Eduar Mendi | Tomas Tuxel |
Magomed Kurbanov Virjil Ortis - Tim Czyu jangi uchun zaxira varianti bo'lishga tayyor
Bugun Konor Makgregorning sparring sherigi Bahromjon Ro'ziev Qozog'istonda jang qiladi
Rasman. UFC Nursulton Ro'ziboevning Xoakin Bakliga qarshi jangini tasdiqladi + POSTER