Germaniya chempionatining 7-turi doirasida 3 oktyabr kuni bo‘lib o‘tgan "Mayns" va «Union Berlin» jamoalari o‘rtasidagi o‘yinda Bundesliga rekordi qayd etildi.
Mezbonlarnig 24 yoshli himoyachisi Sen Jyust o‘yin davomida o‘z tezligini 36,63 km/soatga chiqara olgan. Ushbu natija bu boradagi statistik ma’lumotlar to‘plana boshlagan 2011 yildan buyon eng yuqori tezlik hisoblanadi.
Avvalgi rekord «Bavariya» himoyachisi Alfonso Devisga tegishli bo‘lib, kanadalik o‘yinchining eng yuqori tezligi soatiga 36,51 km.ga teng bo‘lgandi.
