Qirg'iz Respublikasi terma jamoasining O'zbekistonga qachon kelishi malum

13.03.2025 13:54     189


Rasmni yuklab olish

Yon qo'shnilarimiz 20 mart kuni JCH-2026 saralashining 7-turi doirasida O'zbekiston bilan to'qnash keladi, 25 martda esa o'z maydonida Qatarni qabul qiladi.

Qirg'iz futbol ittifoqining xabar qilishicha, ushbu o'yinlarga tayyorgarlik ko'rish maqsadida Maksim Lisicin shogirdlari 12 martdan boshlab Bishkekdagi "Muras Yunayted" qarorgohida o'quv-mashg'ulot yig'inini boshlagan.

Championat.asia saytiga ko'ra, Qirg'iz Respublikasi termasi tayyorgarlik yakunlangach, 18 mart kuni O'zbekiston milliy terma jamoasi bilan o'yinda ishtirok etish uchun Toshkentga yo'l oladi.

Avvalroq Qirg'iz Respublikasining kengaytirilgan tarkibi malum qilingan edi.

Eslatib o'tamiz, O'zbekiston – Qirg'iz Respublikasi bahsi 20 mart kuni "Bunyodkor" stadionida bo'lib o'tadi. Uchrashuv 21:00 ga belgilangan.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: